今日又有屋企人黎我屋企到打麻雀,最後比我大殺四方。講起打麻雀,我真係想讚下發明麻雀果位人兄,不但適合老少咸宜,更是不少人既最愛。

我見到有位小朋友同佢婆婆學麻雀,於是佢婆婆好聰明,無將麻雀既真正玩法教授佢,而係教佢點樣利用麻雀計加減數,呢位小朋友都樂在其中。

 至於每次探訪我既外婆,佢都好鍾意同我地打麻雀,麻雀為佢帶黎歡樂,亦為佢消除悶意,聽其他老人家講更會預防老人痴呆症。

麻雀既玩法千變萬化,有台灣牌,廣東牌,日本牌等,每種玩法既不同都令人費解,多隻花多一番,摸爛花就少一番,小相公,大相公,食詐糊,呢d情況都令一個人抓狂!

麻雀亦都可以反映一個人既牌品,從而反映佢既人品,EQ。比人截糊,出充,出千,明正言順笑住口睇你一,兩隻牌,真係乜人都有,有D人會好苦惱,有D人好驚出充,贏錢就笑笑口,輸錢就濃起塊面,講晒粗口,牌品何其"高尚"!!!!

我自己又發覺麻雀靚牌與否與你當時的心情成正比的,心情差到極點,只懂抱怨,或者立下壞心腸的時侯,你D"朋友"便會離你而去,要乜野無乜野,打邊隻就出充,叫糊叫死糊!但當你心情好既時候,哪怕你做十三"腰"..D牌都一隻隻黎到你身邊...

所以當你參與麻雀局,請抱著笑口常開的心情,好牌自然來!贏錢輸錢的同時,請好好控制你的情緒,別給他人一個壞印象,做個有牌品的人!

有人話感情係要透過keep住見面,keep住活動黎增進。恕我不能接受呢個講法,無錯,感情係需要培養,但我份人係重質不重量, 如果keep住見面同活動會愈來愈fd的話,咁我同我同學個個都fd晒啦,現實話我知係無可能,你當人fd,人覺你煩。而且仲要睇下你同邊種fd出街,有種朋友係酒肉朋友,同佢地出街只會換來片刻既歡樂,所以就算見得多我都唔會同佢地有太大既感情。相反一d知己,真心朋友,每次見面都有新既一面顯露出來,你每次都會追問佢既近況,每次都想知道佢既心聲.每次都想知得更多。所以話呢何必計較每次既出席率呢?

呢幾日見番班舊同事,舊同學,我地見面既時間唔算多,但我地每次見面都有一定既談吐量,每次都可以大笑大喊,而我自己則會豪無保留咁講晒出黎,分享自己心中既培與悲,所以呢班朋友我會keep住同佢地見面,keep住同佢地活動,我地唔需要每星期一次見面,唔需要每晚一個來電,亦能自自然然地增進感情。總之你係我心入面既理想朋友,那怕我地一直用明信片溝通,亦都可以增進感情!